Más de 1000 establecimientos comercializan Ternera Gallega
Durante o ano 2007 superáronse, por primeira vez, os 110.000 tenreiros identificados e as 16.000 toneladas de carne certificadasO presidente da I.X.P. Ternera Gallega, Jesús González Vázquez, presentou o Informe de Actividade do ano 2007 desta Denominación de Calidade. O número de establecementos que comercializan Ternera Gallega segue crecendo ano a ano. Concretamente, 1.061 puntos de venda dispoñen xa da imaxe corporativa de Ternera Gallega, o que supón un fito histórico na expansión e consolidación da Indicación Xeográfica Protexida no mercado estatal, froito do esforzo en promoción realizado, da colaboración coas cadeas de distribución e da calidade e prestixio da carne amparada.
O tipo de establecemento máis habitual de venda continúan sendo as grandes cadeas de supermercados (754), seguidos dos hipermercados (176) e das carnicerías (131). Destes puntos de venda, 516 están situados en Galicia, 533 no resto de España e 12 noutros países. O destino da carne amparada pola IXP é a nosa Comunidade Autónoma nun 50 %, o resto do estado nun 48 % e as incipientes iniciativas de exportación a mercados exteriores supoñen un 2 %.