Modificación no sistema de etiquetaxe dos canais da IXP TERNERA GALLEGA
A Indicación Xeográfica Protexida vén de substituír as 8 etiquetas adhesivas que colocaba nos canais, por 8 certificados de garantía. Uns cambios que comezarán a ser efectivos na certificación desde o 8 de outubro de 2018. Nos matadoiros, os vedores do Consello Regulador colocarán estes novos certificados de garantía, coa seguinte distribución en cada medio canal:
-1 no dianteiro.
-1 na falda.
-1 no chuleteiro.
-1 no traseiro.
Estes certificados de garantía son similares aos que se utilizan na actualidade e inclúen a seguinte información sobre o animal e a súa procedencia:
-Categoría comercial: Ternera, Suprema, Anello.
-Número de certificación.
-Animal: número do crotal oficial do animal.
-Idade (en meses).
-Número de canal: número de sacrificio asignado polo matadoiro.
-Clasificación da canal conforme ao modelo SEUROP.
-Sexo do animal.
-Peso en kg antes de realizarse o oreo.
-Día de sacrificio.
-Sacrificado en: Nº.R.S. e nome do matadoiro.
-Explotación de orixe: REAGA e nome do titular da explotación.
As datas de aplicación deste novo sistema establécense segundo a categoría comercial. Neste mes de outubro, comeza a súa aplicación nas canais de Ternera Gallega; mentres que, en novembro, iniciaríase nas categorías de Suprema e Anello.