Medio Rural e do Mar apoia ás empresas galegas no Fórum Gastronómico de Girona

A Consellería do Medio Rural e do Mar apoia ás empresas galegas participantes no Fórum Gastronómico de Girona
(mediorural.xunta.es 25/02/2013) Os secretarios xerais de Medio Rural e Montes e do Mar asisten estes días a diversas actividades co fin de promover os produtos galegos de calidade. A Consellería do Medio Rural e do Mar está a apoiar ás empresas galegas participantes no Fórum Gastronómico de Girona, mediante a asistencia dos secretarios xerais de Medio Rural e Montes e do Mar, Tomás Fernández-Couto e Juan Maneiro, respectivamente.Co fin de promover os produtos galegos de calidade, do mar e da terra, os secretarios xerais están a participar estes días en diversas actividades de presentación e degustación de produtos. Así, Fernández-Couto asistiu esta mañá á degustación de “Secretos Gallegos del mar y de la tierra”, onde se presentou a maridaxe de viños da Denominación de Orixe Rías Baixas xunto con conservas Curricán e pan da Indicación

Xeográfica Protexida Pan de Cea e a maridaxe de viños da D.O. Rías Baixas xunto con queixo tetilla e requeixo da empresa Campo Capela e Galletas da Veiga.Pola súa parte, Juan Maneiro asistirá esta tarde á degustación de “Los produtos de la tierra y el mar de la mano de 4 grandes de la cocina gallega: Pepe Solla, Xosé Cannas, Javier Olleros e Iván Domínguez”, onde realizarán diversos pratos con produtos de calidade.Así mesmo,  o secretario xeral do Mar asistirá tamén á degustación dos produtos galegos “Ternera Gallega, Lacón Gallego, Vieiras e Centolas da marca de PescadeRías, da man de Pepe Solla e Xosé Cannas”. Os asistentes poderán degustar pratos elaborados con codillo de lacón, centola, vieira lañada con flor de escama, lima, mazá e oliva; así como morro e pata de terneira.