RECOMENDACIÓNS

- Ó comprar carne en pezas fileteadas, deberán amosárnos o certificado e a contraetiqueta de Ternera Gallega.

- É fundamental respetar un período mínimo de maduración de sete días en cámara frigorífica, desde a data de sacrificio da res. Este proceso garántelle que a carne esté tenra e zumarenta.

- Para un mellor resultado culinario, a carne debe cortarse e filetearse en sentido transversal á dirección das fibras musculares.

- O estado óptimo de conservación da carne en refrixeración está entre 1 e 3 º C. Conservarase máis tempo (ata 30 días), se a peza está enteira e envasada ao baleiro.

- A carne debe manterse coa súa graxa, xa que se conservará mellor e será máis tenra, terá un carácter máis zumento e sobre todo estará máis sabrosa.

- En carnes á brasa e á prancha, sazone sempre ó final, cando a carne xa esté feita. Así conservará mellor o seu zume.

COMO PARA FACER OS SEUS PRATOS MÁIS SABROSOS E NUTRITIVOS

· Asada: Dourar primeiro con aceite de oliva virxe extra sobre lume vivo, ata que se forme unha lixeira capa exterior que reterá o seu zume. Logo, introducir no forno máis ou menos quente, en relación inversa ó grosor da peza. Ásase sempre coa súa capa de graxa cara abaixo.

. Para obter maior sabor e máis xugosidade, pódese regar o asado con caldo de carne, viño ou simplemente auga con herbas aromáticas, segundo o gusto que desexemos obter.

· Estufada ou guisada: Primeiro dourar a carne en aceite de oliva virxe extra. Poñer nunha braseadora con fondo de hortalizas, regar con viño e deixar reducir. Engadir caldo ou auga, se fose necesario, e prolongar lentamente a cocción.

· Frita: Elabórase en abundante aceite moi quente, para que resulte dourada por fóra e zumenta por dentro. As carnes salteadas elabóranse con pouco aceite e a fogo non moi alto.

· Empanada: Con fariña, ovo e pan relado. Frítese en abundante aceite.

· Á prancha: Usar preferentemente unha tixola de ferro. Untar o fondo con aceite de oliva e, cando esté moi quente, facer os filetes volta e volta. Pódese aproveitar o zume que queda na tixola, desgraxándoa cun pouco de limón, viño ou caldo.

· Á grella: Hai tres sistemas para un mesmo resultado: prancha de ferro, grella sobre brasas de carbón vexetal ou grill de forno. Mesmo vale unha tixola de fondo groso.
Para facer carne á grella, o fogo debe ser vivo e debe estar moi quente. Regar con aceite e non lle dar a volta á peza ata que esté moi dourada.
Evitar sempre o contacto directo das lapas coa carne.
Se lle gusta pouco feita, dourar un minuto por cada lado (ou menos, segundo o grosor). Se a prefire máis pasada, mantéñaa primeiro un minuto por cada lado para pechar os poros e logo ásea dous minutos máis, dándolle a volta outra vez.
Son preferibles as pezas e cortes grosos, que teñan tanto graxa de cobertura (exterior), como infiltrada (interior), xa que resulta máis zumarenta.