Actualización das aplicacións móbiles de Ternera Gallega

A IXP renova as súas apps para introducir, fundamentalmente, melloras de seguridade. A partir deste venres 27 de novembro, cada usuario deberá actualizar a aplicación da que dispoña, xa sexan as de Explotacións e Comerciais ou a xenérica dirixida aos consumidores, para garantir o seu correcto funcionamento.

No caso da aplicación das ganderías inscritas en Ternera Gallega, ademais das medidas de seguridade, contará cunha nova mesa de prezos e cun maior control sobre o número de avisos, de maneira que só se poderá deixar un aviso de marcaxe ao día. E a app dos consumidores renova a vista de diferentes apartados, como o de “Consellos”, as “Receitas” e o detalle de “Localización” dos puntos de venda.

Aos titulares das explotacións da IXP, lembrámoslles que para descargar por primeira vez a app deben deixar un correo electrónico de contacto chamando aos teléfonos habituais do Consello Regulador. Nesa dirección recibirán as instrucións para descargar a aplicación e obter o seu contrasinal.