O Consello Regulador das IXPs de Carne de Vacún de Galicia lamenta profundamente o falecemento de Waldo Carreiras Albo

En nome da IXP Ternera Gallega e da IXP Vaca Galega / Boi Galego, o seu presidente, Jesús González, traslada as súas condolencias aos familiares e achegados de Waldo Carreiras, que durante preto de  20 anos formou parte deste Consello Regulador como vogal por parte da Administración Autonómica.

A traxectoria profesional de Waldo Carreiras estivo ligada aos produtos galegos de calidade e á súa promoción, exercendo como Xefe de Servizo de Promoción Alimentaria e tamén como técnico no Servizo de Industrias Agroalimentarias da Consellería do Medio Rural.

Gran coñecedor do sector agroalimentario e de carácter atento e afable, Waldo Carreiras destacou polo seu compañeirismo, pola súa profesionalidade e polo seu traballo a favor dos selos de calidade diferenciada e dos seus Consellos Reguladores e, en particular, pola súa achega no desenvolvemento e crecemento de Ternera Gallega.

Todos lembraremos a Waldo, como el sempre recordará as montañas de Muras, as pradeiras e o agro galego polo que tanto se esforzou.

Un forte abrazo, amigo.