Medio Rural publica as axudas para contratar seguros agrarios

Poderán ser beneficiarios os asegurados titulares de explotacións situadas en Galicia que subscriban pólizas de seguros de liñas agrícolas do Plan 2025 e liñas gandeiras dos plans 2024 e 2025, formalizadas no 2025; como indica esta convocatoria do DOG.

A subscrición do seguro realizarase exclusivamente coas entidades aseguradoras autorizadas polo Ministerio de Economía, Comercio e Empresa e incluídas na Agrupación Española de Entidades Aseguradoras dos Seguros Agrarios Combinados (Agroseguro), ou a través dos axentes de seguros autorizados.

A formalización da declaración do seguro considerarase como solicitude de axuda, sempre que se realice dentro dos períodos de subscrición establecidos pola normativa do plan anual do Ministerio de Agricultura, Pesca e Alimentación e, ademais, debe cumprir os distintos puntos referentes á subvención que se conteñan na declaración do seguro.