CARACTERÍSTICAS ORGANOLÉPTICAS OU SENSORIAIS.

A carne amparada pola I.X.P. Ternera Gallega presenta unhas características sensoriais específicas e excepcionais, como consecuencia de que procede de animais moi novos (sacrifícanse con menos de dez meses de vida), principalmente da raza Rubia Gallega e os seus cruces (excelente pola súa aptitude cárnica), cunha alimentación tradicional de máxima calidade (leite materno, forraxes, concentrados de orixe exclusivamente vexetal), e polo peculiar manexo e sistema de producción dos gandeiros galegos (explotacións familiares con man de obra propia).

A carne de Ternera Gallega varía dunha cor rosa clara, no caso de ternera, ata un vermello suave, no caso do añojo. Ó corte presenta un aspecto magro, de consistencia firme, lixeiramente húmido e brillante, con graxa de cor branca nacarada e suaves irisacións amareladas, distribuida homoxeneamente. A súa textura é suave e con músculo de grao fino.

É unha carne que destaca polo seu intenso e agradable sabor, cunha extraordinaria tenrura, xugosidade e suculencia. En definitiva, Ternera Gallega, e sobre todo Ternera Gallega Suprema, é unha carne para padais exquisitos e esixentes, que buscan sensacións únicas e especiais nunha carne de vacún.

PROPIEDADES NUTRITIVAS DA CARNE DE VACÚN.

A carne de vacún é un alimento completo e esencial para unha dieta sá e equilibrada, destacando polo seu elevado contido proteico.

As proteínas cárnicas son de moi alta dixestibilidade e gran valor biolóxico, xa que achegan aminoácidos esenciais que son necesarios para funcións como o crecemento e reparación dos tecidos do noso organismo. Con só 100 gramos de carne de vacún temos cubertas o 48 % das necesidades diarias de proteínas.

É rica en vitaminas do grupo B: a tiamina e a riboflavina son necesarias para un bo funcionamento do sistema nervioso; a niacina axuda ó mantemento do crecemento orgánico; a B5 e a B6 no metabolismo dos carbohidratos e proteínas; e a B12 na producción de hematíes.

En cuanto ó aporte de minerais, destaca o seu alto contido en fósforo, que estimula o desenvolvemento intelectual e que xunto co calcio son necesarios na formación de osos e dentes. Tamén ten magnesio que é necesario para o funcionamento orgánico, así como o ferro para evita-las anemias.

Valores calculados para 100 gramos de carne de Tenreira: