VIII Xornada Técnica de Ternera Gallega

A Indicación Xeográfica Protexida organiza o vindeiro 2 de outubro, xoves, no Pazo de Feiras e Congresos de Lugo, as VIII Xornadas Técnicas. As sesións buscan seguir afondando nas caterísticas da carne de vacún de calidade e en todos aqueles aspectos relacionados co manexo, optimización de procesos, divulgación, promoción e consumo da carne que ampara a Denominación. A xornada, enmarcada esta edición no programa conmemorativo do XXV Aniversario de Ternera Gallega, pecharase cun xantar de exaltación para todos os participantes nas sesións.

Dúas exposicións relativas ao consumo de carne de calidade e factores influintes proseguirán a xeira de sesións: por un lado, Luciano Sánchez, profesor titular do departamento de Produción Animal da Facultade de Veterinaria de Lugo, centrarase nas características organolépticas e nutricionais. Doutra banda, o coñecido restaurador membro do ‘Grupo Nove’, Javier Rodríguez Ponte, falará da influencia dos procesos tecnolóxicos e culinarios.