Ternera Gallega renova a súa acreditación ENAC

A Comisión da Entidade Nacional de Acreditación (ENAC) acordou, o pasado 19 de abril, renovar a súa acreditación ao Consello Regulador da Indicación Xeográfica Protexida (IXP) Ternera Gallega, segundo criterios recollidos na Norma Europea UNE-EN 45011. O Órgano de Control do Consello Regulador da IXP ratifica deste modo a súa independencia, imparcialidade e competencia técnica para a aplicación das Normas e procedementos recollidos no seu Regulamento e no seu Manual de Calidade.  Ademais, recoñece ao persoal da Denominación os coñecementos técnicos e a experiencia necesaria para avaliar a produción de carne de Ternera Gallega en todas as súas fases, desde as explotación nas que se crían os animais, pasando polos matadoiros e as salas de despezamento onde se procesa a carne amparada pola IXP, ata chegar aos consumidores.